
遍知贝玛嘎波大师教言集PK63གསོལ་འདེབས་རྒྱང་འབོད་སྙིང་གི་མུན་སེལ་ཞེས་བྱ་བ།
10-130
༄༅། །གསོལ་འདེབས་རྒྱང་འབོད་སྙིང་གི་མུན་སེལ་ཞེས་བྱ་བ།
༄༅། །གསོལ་འདེབས་རྒྱང་འབོད་སྙིང་གི་མུན་སེལ་ཞེས་བྱ་བ་བཞུགས་སོ།།
10-131
༄༅། །ན་མོ་གུ་རུ། ཀ་དག་ཆོས་དབྱིངས་ཀྱི་ཀློང་ན། །དྲུག་པ་རྡོ་རྗེ་ནས་འཆང་ཆེན། །ཕྱོགས་བཅུ་དག་པ་ཡི་ཞིང་དུ། །དུས་གསུམ་སངས་རྒྱས་ཀྱི་རོལ་པ། །གྲུབ་ཐོབ་གཅིག་ཤུལ་དུ་གཉིས་སླེབ། །
མཉམ་མེད་དྭགས་པོ་ནས་དཀར་རྒྱུད། །སྐལ་ལྡན་སྨིན་གྲོལ་ལ་འགོད་པའི། །དཔལ་ལྡན་འབྲུག་པ་ཡི་ཡབ་སྲས། །ཐམས་ཅད་ཀུན་འདུས་ཀྱི་རྗེ་བཙུན། །ཀུན་མཁྱེན་ངག་དབང་ནས་ནོར་བུ། །གསོལ་བ་སྙིང་ཁུང་ནས་
འདེབས་ལ། །ཐུགས་རྗེས་རྒྱང་ནས་རང་གཟིགས་ཤིག །ཞི་རྒྱས་དབང་དྲག་གི་མཛད་སྤྱོད། །ཅིར་སྣང་ཡེ་ཤེས་ཀྱི་རོལ་པ། །མོས་གུས་གཏད་པ་ལ་ཙམ་གྱིས། ། བྱིན་བརླབས་རང་བྱུང་དུ་བསྩོལ་བ། །བསྒྲིབ་གཉིས་རྙོག་
པ་དང་བྲལ་བའི། །མཚུངས་མེད་སྤྲུལ་པ་ཡི་སྐུ་མཆོག །གསོལ་བ་སྙིང་༴ །ཐུགས་རྗེས༴ །སྐུ་བཞི་ཡེ་ཤེས་ཀྱི་ལྔ་ལྡན། །ཡོན་ཏན་ཀུན་འདུས་ཀྱི་གོང་བུ། །མཚན་མཆོག་ཐོས་པ་ལ་ཙམ་གྱིས། །སྣང་བ་
མཐའ་མལ་ལས་བསྒྱུར་མཁས། །འདི་ཕྱི་བར་དོ་དང་གསུམ་དུ། །རེ་ས་ཁྱེད་རང་ལ་བྱེད་པས། །གསོལ་བ༴ །ཐུགས༴ །ཁྱེད་གསུང་ཐོས་པ་ཡི་མོད་ལ། །འཁྲུལ་སྣང་རང་ཡལ་ལ་གཏང་ནས། །སངས་རྒྱས་ལག་མཐིལ་
དུ་གཏོད་པའི། །ཟབ་གནད་གདམས་པ་ཡི་གཏེར་མཛོད། །སྡིག་ཅན་དམྱལ་བ་རུ་ལྷུང་རྗེས། །ཐུགས་རྗེས་གཟིགས་ཀྱང་དུ་འཕྱིས་སོ། །ད་ལྟ་མི་ཡུལ་དུ་གསོན་དུས། །བྱིན་གྱིས་རློབས་སྐབས་སུ་འདུག་གོ །སྤྲང་པོའི་སྣང་ཡུལ་གྱི་ངོ་བོར། །
10-132
རྗེ་བཙུན་འབྲལ་མེད་དུ་ཡོད་ཀྱང་། །མི་རིང་མྱུར་བ་རང་ཉིད་དུ། །ཞལ་རས་མངོན་སུམ་དུ་མཐོང་བ། །ཐུགས་རྗེ་ཡོད་མེད་ལ་རག་གོ །ཁམས་གསུམ་འཁོར་བ་ཡི་སེམས་ཅན། །མ་ལུས་ཐར་པ་ལ་
འགོད་པའི། །འགྱུར་མེད་ཡི་དམ་དེ་བསྙེལ་ལམ། །བདག་སོགས་ངན་སོང་དུ་གཞོལ་ལ། །ཐུགས་རྗེས་གཟིགས་རན་ན་སྣང་ངོ་། །ནམ་འཆི་ཆ་མེད་ཙམ་གོ་ཡང་། །འདི་བྱེད་བློ་སྣ་རུ་མང་ལ། །ཐུགས་རྗེས་རྒྱང་
ནས་རང་གཟིགས་ཤིག །ཆོས་འཇིག་གཉིས་ཀ་མེད་པའི། །ཅི་བྱས་ཅི་མ་བྱུང་ལ། །ཐུགས་རྗེའི་སྤྱན་གྱིས་གཟིགས་ཤིག །ད་དུང་བློ་སྣ་མ་འགྱུར། །ཚེ་འདིར་སྲེད་པ་ཅན་ལ། །ཐུགས་རྗེའི་སྤྱན་གྱིས་གཟིགས་ཤིག །
འཇིག་རྟེན་འཁྲི་བ་མ་ཆོད། །བསམ་བློ་གང་ཡང་དྲན་ལ། །ཐུགས༴ །དམ་ཆོས་ཐོབ་བྱར་སོང་ནས། །དྲོད་ཐོབ་གདེངས་ཚད་བྲལ་ལ། །ཐུགས༴ །དཀའ་སྤྱད་སྙིང་རུས་མ་ནུས། །འདོད་ཡོན་ཞེན་ཆགས་ཅན་ལ། །ཐུགས༴ །གཅིག་
པུར་རི་ལ་མ་ཚུགས། །ཁྱི་བཞིན་གྲོང་ཁྲོད་འཁྱམས་ལ། །ཐུགས༴ །རྒྱལ་བའི་གསུང་རབས་ཐོས་ཀྱང་། །ཆོས་བརྒྱད་བློས་མ་ཐོང་ལ། ཐུགས༴ །དགོས་མེད་རྒྱུད་ལ་མ་སྐྱེས། །ལྟོ་གོས་དོན་གཉེར་མཁན་ལ། །ཐུགས༴ །གཤིན་རྗེའི་
ཕོ་ཉས་སླེབ་ཚེ། །འཆི་བྲོད་གདེངས་ཚད་མེད་ལ། ཐུགས༴ །ལས་ངན་བག་ཆགས་ཐས་པས། །ཉོན་མོངས་རང་དགར་ཤོར་ལ། །ཐུགས༴ །གང་བྱུང་རོ་སྙོམས་མེད་པའི། །ལེགས་དགའ་ཉེས་དོགས་ཅན་ལ། །ཐུགས༴ །རྗེ་བཙུན་དམ་པ་བྱིན་རླབས་དབང་བཞིའི་མངའ་བདག །
10-133
གནས་ལྔ་རིགས་པའི་མཁས་པ་ཆེན་པོ་གཞན་རྒྱུད་མཁྱེན་པའི་གྲུབ་ཐོབ་ཆོས་རྗེ། བདག་བློ་ཆོས་སུ་འགྲོ་བར་བྱིན་གྱིས་རློབས་ཤིག །དལ་འབྱོར་རྙེད་དཀའ་ཤེས་པ༴ །འཆི་བ་མི་རྟག་དྲན་པར༴ །ལས་འབྲས་
བསླུ་མེད་གོ་བར༴ །འཁོར་བའི་ཉེས་དམིགས་རྟོགས་པར༴ །ཐར་པའི་ཕན་ཡོན་མཐོང་བར་བྱིན་གྱིས་རློབས། །ཡུལ་ལ་འདོད་པ་མེད་པར༴ །ནོར་ལ་གསོག་འཇོག་སྤོང་བར༴ །སྐྱིད་སྡུག་འདམ་ཁ་བྲལ་བར༴ །གཉེན་ལ་དགའ་
དུངས་བྲལ་བར༴ །དགྲ་ལ་ཁྲོ་བ་མེད་པར༴ །རྟག་ཏུ་རི་ཁྲོད་ཟིན་པར༴ །ཕྱོགས་འཛིན་འཆིང་བ་གྲོལ་བར༴ །བླ་མ་སངས་རྒྱས་སུ་མཐོང་བར༴ །དད་གུས་རྒྱུན་ཆད་མེད་པར༴ །ཅི་མཛད་ལེགས་པར་མཐོང་བར༴ །
ཅི་གསུང་ཚད་མར་འཛིན་པར༴ །ཐུགས་ཡིད་གཅིག་ཏུ་འདྲེས་པར༴ །སྤྲོས་བཅས་ཞེན་པ་ལོག་པར༴ །སྤྲོས་མེད་ནང་ནས་འཆར་བར༴ །སྣང་བ་སེམས་སུ་ཤེས་པར༴ །སེམས་ཉིད་གཞི་རྩ་བྲལ་བར༴ །རང་སེམས་རང་ངོ་
འཕྲོད་པར༴ །འཁྲུལ་པ་དབྱིངས་སུ་དག་པར༴ །མཐའ་བྲལ་ལྟ་བ་རྟོགས་པར༴ །རྩེ་གཅིག་སྒོམ་ལ་བརྩོན་པར༴ །ཤུགས་འབྱུང་སྤྱོད་པ་སྐྱོང་བར༴ །འབྲས་བུ་ཆོས་སྐུར་མཐོང་བར༴ །དཔལ་ལྡན་བླ་མ་དཀོན་མཆོག་གསུམ་འདུས་
ངག་དབང་ནོར་བུ། ཐུགས་རྗེས་གཟིགས་ཤིག །བྱིན་གྱིས་བརློབས་ཤིག །འདྲེན་མཆོག་ཁྱེད་རང་ལྟ་བུར་ཤོག་ཅིག །པཎ་ཆེན་ཁྱེད་རང་ལྟ་བུར༴ །རྟོགས་ལྡན་ཁྱེད་རང་ལྟ་བུར༴ །གྲུབ་ཐོབ་ཁྱེད་དང་ལྟ་བུར༴ །སྤྲུལ་སྐུ་ཁྱེད་རང་ལྟ་བུར༴ །འགྲོ་མགོན་ཁྱེད་རང་ལྟ༴ །སངས་རྒྱས་ཁྱེད་རང་ལྟ་བུར་ཤོག་ཅིག །བླ་མ་མཁྱེན་ནོ། །བླ་མ་མཁྱེན་ནོ། །ཞེས་པདྨ་དཀར་པོས་སྦྱར་བའོ།། མདྒལཾ།།


目录
གསོལ་འདེབས་རྒྱང་འབོད་སྙིང་གི་མུན་སེལ་ཞེས་བྱ་བ།